தொடரும் ராஜேஷ் - சந்தானம் கெமிஸ்ட்ரி

பொதுவாக இயக்குநர் - கதாநாயகன், கதாநாயகன்-கதாநாயகி என சிலருடன் சிலருக்கு கெமிஸ்ட்ரி நன்றாக ஒத்துப்போகும். அந்த வகையில் தற்போது சினிமா உலகில் ஒரு இயக்குநருக்கும், நகைச்சுவை நடிகருக்கும் கெமிஸ்ட்ரி ஒர்க் அவுட் ஆகி வருகிறது.

ஒன்று அல்ல இரண்டு அல்ல 4வது படத்திலும் இந்த கூட்டணி தொடர்வதுதான் ஆச்சரியமான விஷயம்.

அவர்கள் யார் என்று ஏற்கனவே நீங்கள் யோசித்திருப்பீர்கள். ஆம்.. சரிதான். இயக்குநர் ராஜேஷ் - சந்தானம் தான் அந்த வெற்றிக் கூட்டணி.

சிவா மனசுல சக்தி, பாஸ் என்கிற பாஸ்கரன் தற்போது ஒரு கல் ஒரு கண்ணாடியை அடுத்து சந்தானம் - கார்த்தி நடிக்க, ராஜேஷ் இயக்கும் புதிய படம் அழகு ராஜா.

இப்படத்திற்கான கதை உருவாக்கம், திரைக்கதை, வசனம் எழுதும் பணிகள் முடிந்து சுமார் நான்கு அல்லது 5 மாதங்கள் கழித்துத்தான் படப்பிடிப்பு துவங்க உளளது.

எவ்வளவு நாளானால் என்ன.. ஒரு நல்ல நகைச்சுவைப் படத்திற்காக தமிழ் ரசிகர்கள் எத்தனை நாட்கள் வேண்டுமானாலும் காத்திருப்பார்கள். நாங்கள் சொல்வது சரிதானே...