தமன்னாவை பின்தொடரும் நாயகி

பாலாஜி சக்திவேல் இயக்கி தற்போது வெளியாகியுள்ள வழக்கு எண் படத்தில் நடித்த மணிஷா யாதவ், அடுத்தடுத்து 2 தமிழ் படங்களில் நடிக்க ஒப்பந்தமாகியுள்ளார்.

சுசீந்திரன் இயக்கும் அடுத்த படத்தில் நடிக்க உள்ள மணிஷா, அப்படத்திற்காக தமிழை நன்கு பேச ஆசிரியர் வைத்துக் கொள்ள முடிவு செய்துள்ளார்.

அவரிடம், தமிழ் பட வாய்ப்பு குறித்த கேட்டதற்கு, நான் பெங்களூருவைச் சேர்ந்தவள். சினிமா நடிப்பு குறித்து படித்தவள். காதல் படத்தை ஏற்கனவே பார்த்துள்ளேன். எனவே பாலாஜி சக்திவேல் சார் அழைத்தவுடன் யோசிக்கவேயில்லை. உடனே ஒப்புக் கொண்டேன்.

அவர் எப்போதும் என்னிடம் ஒன்று கூறுவார், கல்லூரி படத்தில் அறிமுகமான தமன்னாவை போல வர வேண்டும் என்பார். அவர் பொழுதுபோக்கு படங்களையும், சிறந்த கதாபாத்திரங்களையும் தேர்வு செய்து நடிப்பது போல நீயும் அவரை பின்பற்றி சிறந்த நடிகையாக வேண்டும் என்று சொல்வார். அவர் சொல்வதைப் போல நானும் தமன்னாவைப் பின்பற்றி நல்ல நடிகை என்று பெயர் வாங்குவேன் என்கிறார் மணிஷா.