அக்னி நட்சத்திரம், புதிய பாதை ரீமேட்

பழைய படங்களுக்கு மவுசு அதிகரித்துள்ளது. எனவே 90களில் வெளியாகி வெற்றிகரமாக ஓடியப் படங்களை தூசி தட்டி மீண்டும் புதிதாக எடுத்து வெளியிட தயாரிப்பு வட்டங்கள் விரும்புகின்றன.

புதிய கதையில் பணம் போடுவதை விட, பழைய கதையில் நம்பிக்கையோடு பணம் போடலாம் என்பதே அவர்களது நம்பிக்கை.

இந்த வரிசையில் மணிரத்னம் இயக்கிய அக்னி நட்சத்திரம் படம் புதுப்பிக்கப்பட உள்ளது. இப்படத்தை ரீமேட் செய்ய சமர் படத்தின் தயாரிப்பாளர் டி. ரமேஷ் முடிவெடுத்துள்ளார். ஒரே நேரத்தில் தமிழ் மற்றும் தெலுங்கில் இப்படம் உருவாக உள்ளது. முன்னணி ஹீரோக்களை நடிக்க வைக்க ஆலோசனை நடந்து வருகிறது.

இதே வரிசையில், பார்த்திபன் நடித்த புதிய பாதை படமும் மீண்டும் புதிய பாதை என்ற தலைப்புடன் புத்தம் புதிதாக வெளியாக உள்ளது.

இப்படத்தை தானே இயக்கி, நடிக்கவிருப்பதாகவும், விரைவில் முறையான அறிவிப்பு வெளியாகும் என்றும் அவர் கூறியுள்ளார்.