தலைவன் என்ற தலைப்பு மாறுகிறது

இளைய தளபதி விஜய்யை வைத்து இயக்குநர் ஏஎல் விஜய் ஒரு படம் இயக்க முடிவாகியிருந்தது. இரண்டு விஜயும் இணையும் இப்படத்துக்கு தலைவன் என்று பெயர் சூட்டப்பட்டிருந்தது.

ஆனால், இப்படத்தின் கதைக்கும், தலைப்புக்கும் பொருத்தம் இல்லை என்று கூறியுள்ள இயக்குநர், விரைவில் புதிய படத்திற்கு வேறு புதிய தலைப்பை வைக்க உள்ளதாக தகவல்கள் வெளியாகியுள்ளன.

நடிகர் விஜய் தற்போது ஏஆர் முருகதாஸ் இயக்கத்தில் துப்பாக்கிப் படத்தில் நடித்து வருகிறார். இயக்குநர் ஏஎல் விஜய், விக்ரம் - அனுஷ்காவை வைத்து தாண்டவம் படத்தில் பிஸியாக உள்ளார்.

இருவருமே தற்போதுள்ள படத்தை முடித்துக் கொடுத்துவிட்டு புதிய படத்துக்கான பணியில் இறங்க உள்ளனர்.