அஜித்-கார்த்தி இடையே மோதல்

ஏதோ நடிகர் அஜித்தும், கார்த்தியும் நேருக்கு நேர் சந்தித்து மோதிக் கொண்டார்கள் என்று நினைக்க வேண்டாம். ஆனால் நாம் சொல்லப் போகும் தகவல் அதை விட மிக பயங்கரமாக இருக்கும் என்பது வேண்டுமானால் உண்மை.

அதாவது நடிகர் அஜித் நடித்து தயாராகியிருக்கும் படம் பில்லா 2. அஜித் ரசிகர்கள் அதிகம் எதிர்பார்த்து காத்திருந்த படம் தணிக்கைக் குழு சான்றிதழ் பெற்று ஜுன் 22ம் தேதி வெளியாகும் என்று அறிவிக்கப்பட்டுள்ளது.

ஆனால் எதிர்பாராத விதமாக, நடிகர் கார்த்தி நடித்து வெளியீடுக்கு தயாராக இருந்த சகுனி படம் ஜுலை 6ம் தேதி வெளியாகும் என்று முன்னர் கூறப்பட்டது. ஆனால் திடீரென வெளியீடு தேதி முன்கூட்டியே திட்டமிடப்பட்டு தற்போது ஜுன் 22ம் தேதியே வெளியாகும் என்று அறிவிக்கப்பட்டுள்ளது.

அஜித், கார்த்தி படங்கள் ஒரே நாளில் வெளியாவதால் அன்றைய தினம் திரையரங்கங்கள் பரபரப்பாக இருக்கும் என்று எதிர்பார்க்கப்படுகிறது.

பண்டிகை காலங்கள் எல்லாம் பெரிய கதாநாயகன்களின் பட வெளியீடு இல்லாமல் வெறிச்சோடிய திரையரங்கங்கள், ஜுன் 22ம் தேதி கலைகட்டப்போவது உறுதி.