ஜூலை 6ல் வெளியாகும் நான் ஈ

தமிழ் மற்றும் தெலுங்கில் ஒரே நேரத்தில் தயாரான நான் ஈ திரைப்படம் யூ/ஏ சான்றிதழ் பெற்றுள்ளது. இதையடுத்து, படத்தை ஜூலை மாதம் 6ம் தேதி வெளியிட தயாரிப்பு வட்டம் முடிவெடுத்துள்ளது.

எந்த காட்சியும் வெட்டுப்படாமல் யு/ஏ சான்றிதழ் வாங்கியதில் தயாரிப்பு வட்டத்துக்கு சற்று மகிழ்ச்சிதான். ஹாலிவுட் படத்துக்கு இணையாக திரைக்கதை அமைந்துள்ள நான் ஈ திரைப்படம் நிச்சயம் ரசிகர்களை அதிகமாக கவர்ந்திழுக்கும் என்று எதிர்பார்க்கப்படுகிறது.

இப்படம் முதல் முறையாக 1000 பிரிண்ட்கள் போடப்பட்டுள்ளன. இந்திய சினிமாவில் புதிதான தொழில்நுட்பம் பயன்படுத்தி இப்படம் எடுக்கப்பட்டுள்ளது குறிப்பிடத்தக்கது.