தேர்தல் சுதந்திரமாக

ராஜஸ்தான் மாநில தலைநகர் ஜெய்ப்பூரில் தேர்தல் சீர்திருத்தம் தொடர்பாக ஒரு தன்னார்வ அமைப்பு இன்று கருத்தரங்குக்கு ஏற்பாடு செய்து இருந்தது. இதில் கலந்து கொண்டு பேசிய தலைமை தேர்தல் கமிஷனர் வி.எஸ்.சம்பத் தேர்தலின்போது வேட்பாளர்கள் பண பலத்தையும், ஆள் பலத்தையும் முறைகேடாக பயன்படுத்துவதை தடுக்க தேர்தல் கமிஷன் தீவிர நடவடிக்கை எடுத்து வருகிறது. இந்த இரு முறைகேடுகளையும் கண்காணிக்கவும், தடுக்கவும் தேர்தல் கமிஷன் சிறப்பு படைகளை அமைக்கிறது. ஆனாலும், அந்த தொகுதிகளில் நியாயமான, சுதந்திரமான தேர்தல் நடைபெறவும், தேர்தல் சீர் திருத்தங்கள் சரியாக, உறுதியாக நடைமுறைப்படுத்தவும் பொது மக்கள் மற்றும் தன்னார்வ அமைப்புகளின் பங்களிப்பு மிகவும் அவசியம் ஆகும் என்று கூறினார்.