பாலாவுடன் முதன் முறையாக கைகோர்க்கும் வைரமுத்து

பாலா இயக்கத்தில் விரைவில் திரைக்கு வர இருக்கும் திரைப்படம் பரதேசி. முரளி மகன் அதர்வா நாயகனாகவும், வேதிகா, தன்ஷிகா ஆகியோர் நாயகிகளாகவும் நடிக்கின்றனர். ஜி.வி.பிரகாஷ் குமார் இசையமைக்கிறார். 1930ல் வாழ்ந்த தேயிலை தோட்டத் தொழிலாளர்களின் உண்மை நிலையே படத்தின் கதை. முதன் முறையாக இந்தப் படத்தின் மூலம் இயக்குனர் பாலாவும், பாடலாசிரியர் வைரமுத்துவும் கைகோர்த்துள்ளனர். இந்த முறை வித்தியாசமான அணுகுமுறையில் பாடல் எழுதியுள்ளார். முன்னதாக இசையுடன் கூடிய படக் காட்சிகள் வைரமுத்துவுக்கு போட்டு காண்பிக்கப்பட்டது. இதனை பார்த்த வைரமுத்து அதற்கு தகுந்தார் போல் பாடல் எழுதியுள்ளார். வரும் செப்டம்பர் மாதத்தில் லண்டனில் பரதேசி திரைப்படத்தின் ஆடியோ மற்றும் டிரைலர் வெளியிடப்படுகிறது.