சின்மயிக்கு இணையதளத்தில் தொல்லை: மேலும் ஒருவர் கைது

திரைப்பட பாடகி சின்மயிக்கு இணையதளத்தில் தொல்லை கொடுத்த வழக்கில் மேலும் ஒருவர் கைது செய்யப்பட்டார்.

இது குறித்து போலீஸ் தரப்பில் கூறப்பட்டதாவது: ட்விட்டர் இணையதளத்தில் தன்னைப் பற்றி தரக்குறைவான வகையில் சிலர் தொடர்ந்து கருத்து தெரிவிக்கின்றனர் என்று திரைப்பட பின்னணிப் பாடகி சின்மயி காவல்துறை ஆணையர் அலுவலகத்தில் கடந்த வியாழக்கிழமை புகார் அளித்தார்.

மேலும் அந்த புகாரில் ட்விட்டர் இணையதளத்தில் தன்னைப் பற்றி ஆபாசமாகவும் தகவல்களை பரப்பி வருகின்றனர் என்றும், இது போன்ற கருத்துகளைக் கூறுபவர்களை ட்விட்டரில் இருந்து துண்டித்தாலும், மீண்டும் வேறு பெயர்களில் ஆபாச கருத்துகளைக் கூறுகின்றனர். மேலும் அவர்கள் ஆபாச படங்களையும் அனுப்புகின்றனர் என்றும் குறிப்பிட்டிருந்தார். இதில் சம்பந்தப்பட்டவர்கள் மீது நடவடிக்கை எடுக்கும்படி அவர் வலியுறுத்தியிருந்தார்.

இந்த புகாரின் அடிப்படையில் நடவடிக்கை எடுக்கும்படி பெருநகர காவல் ஆணையர் ஜார்ஜ், சைபர் குற்றப்பிரிவு போலீஸôருக்கு உத்தரவிட்டார்.

சைபர் குற்றப்பிரிவு போலீஸôர், இது தொடர்பாக வழக்குப் பதிவு செய்து, விசாரணை செய்து வருகின்றனர். இதில் சென்னை தரமணியில் உள்ள தேசிய ஆடை வடிவமைப்பு கல்வி நிறுவனத்தின் உதவிப் பேராசிரியர் சரவணக்குமார் உள்பட 6 பேர்தான் சின்மயிக்கு இணையதளத்தில் தொந்தரவு கொடுப்பது

தெரியவந்தது.

இதையடுத்து போலீஸôர் சரவணக்குமாரை திங்கள்கிழமை கைது செய்தனர். இந்நிலையியில் திருப்பூர் மாவட்டம் அவினாசியைச் சேர்ந்த ஆ.ராதாமணாளனை போலீஸôர் செவ்வாய்க்கிழமை கைது செய்தனர். இவர் திருப்பூர் மாவட்ட ஆட்சியர் அலுவலகத்தில் உதவியாளராக வேலை செய்கிறார்.

இது தொடர்பாக போலீஸôர் மேலும் சிலரை போலீஸôர் தேடி வருகின்றனர்.