சை..சை.. கங்னம் பாடகரின் அடுத்த ஆல்பம் ரெடி… அரபு ரசிகர்களுக்காக சின்னதாக திருத்தம்

சியோல்: கங்னம் ஸ்டைல் பாப் பாடகர் சை ( Psy) தனது அடுத்த ஆல்பத்தில் திருத்தம் செய்து வெளியிட முடிவு செய்துள்ளார். உலகம் முழுவதும் உள்ள ரசிகர்களை கவருவதற்காக இந்த திருத்தத்தினை செய்ய ஒத்துக் கொண்டுள்ளதாக தெரிவித்துள்ளார் சை. குதிரையை ஓட்டுவதைப் போலவோ… குதிரை குதிப்பதைப் போலவோ இருக்கும் ஸ்டைல் நடனம்தான் கங்னம். தென்கொரியாவைச் சேர்ந்த பிரபல பாப் பாடகர் சை பாடி, ஆடி வெளியிட்ட இந்த ஒற்றைப் பாடல் யுடியூப்பில் 100 கோடிக்கும் மேற்பட்டவர்கள் பார்த்து ரசித்துள்ளனர். யுடியூப்பில் அதிகம் பேர் பார்த்து ரசித்த பாடல் என்று அதிகாரப்பூர்வமாக தகவல் வெளியிடப்பட்டுள்ளது. இப்போது அடுத்த ரவுண்டுக்கு தயாராகிவிட்டார் சை. தன்னுடைய புதிய பாடல் ஆல்பத்திற்கு ‘ஆசரபியா’ என்று பெயரிட்டுள்ளார். இதில்தான் சர்ச்சையே ஏற்பட்டுள்ளது.