புதிய பாடலாசிரியர்களுக்கு விஜய் ஆண்டனி வாய்ப்பு

சென்னை, டிச.26: தமிழ்த் திரையுலகின் முன்னணி இசையமைப்பாளர்களுள் ஒருவரான விஜய் ஆண்டனி, புதிய பாடலாசிரியர்களுக்கு வாய்ப்பு தர புதிய அறிவிப்பு ஒன்றை வெளியிட்டுள்ளார்.
இசையமைப்பாளர் விஜய் ஆண்டனி "நான்' என்ற படத்தின் மூலம் கதாநாயகனாக அறிமுகமாகிறார்.
இந்தப் படத்துக்கான மெட்டுகளை தத்தகாரத்தில் (வரிகள் இல்லாத வெறும் டியூன்கள்) http://vijayantony.com என்ற இணையதளத்தில் வெளியிட்டுள்ளார் விஜய் ஆண்டனி. பாடல்களின் மெட்டுகளுக்கு ஏற்ப உரிய வரிகளை 044-45542917 என்ற ஃபேக்ஸ் எண்ணுக்கோ அல்லது vijayantonylyrics@gmail.com என்ற மின்னஞ்சல் முகவரிக்கோ அனுப்பலாம். பாடல் வரிகளை அனுப்ப வேண்டிய கடைசி நாள் 2012 ஜனவரி 2. திறமையான பாடலாசிரியர்களுக்கு "நான்' படத்தில் பாடல் எழுத வாய்ப்பு வழங்கப்படும். தொடர்ந்து தான் அடுத்து பணியாற்றும் படங்களிலும் இது போன்று புதியவர்களுக்கு வாய்ப்பு வழங்கத் திட்டமிட்டுள்ளார் விஜய் ஆண்டனி.