அஜீத்தின் புதிய படத்துக்கு தலைப்பு ரெடி

அஜீத்தின் புதிய படத்திற்கு பொருத்தமான தலைப்பு தேர்வு செய்யப்பட்டுள்ளது.

பில்லா - 2 திரைப்படத்தை தொடர்ந்து அஜீத், விஷ்ணுவர்த்தன் இயக்கும் பெயரிடப்படாத படத்தில் நடித்து வருகிறார். கடந்த ஆண்டு ஜூன் மாதம் தொடங்கிய படப்பிடிப்பு தற்போது இறுதிகட்டத்தை எட்டியுள்ளது. இருப்பினும் படத்தின் தலைப்பு தொடர்பான எந்த ஒரு அறிவிப்பும் வெளியிடப்படவில்லை.

இதுகுறித்து இயக்குனர் வெங்கட் பிரபு, விஷ்ணுவர்த்தனிடம் கேட்டிருக்கிறார். இதற்கு பதிலளித்த விஷ்ணு படத்திற்கு பொருத்தமான தலைப்பை ஏற்கெனவே தேர்வு செய்து விட்டதாக கூறியிருக்கிறார். மேலும் தலைப்பு பற்றிய முறையான அறிவிப்பு விரைவில் வெளியிடப்படும் எனவும் தெரிவித்திருக்கிறார். பில்லா வெற்றிக்குப் பிறகு அஜீத் - விஷ்ணுவர்த்தன் - யுவன் சங்கர் ராஜா கூட்டணி மீண்டும் புதிய படத்தில் இணைந்திருப்பதால் எதிர்பார்ப்பு அதிகரித்துள்ளது. நீண்ட இடைவெளிக்குப் பின்னர் ஏ.எம். ரத்னம் தயாரிக்கும் இந்தப் படத்தில் அஜீத்துக்கு ஜோடியாக நயன்தாரா நடித்துள்ளார்.