மிர்ச்சி செந்திலுடன் விஜயலட்சுமி இணையும் படம்

அஞ்ஜாதே, சென்னை 28 போன்ற படங்கள் மூலம் திரையுலகில் புகழ்பெற்ற நடிகை விஜயலட்சுமி அகத்தியன், மிர்ச்சி செந்திலுடன் இணைந்து நடிக்க ஒப்பந்தமாகியுள்ளார்.

விஜய் தொலைக்காட்சியில் மீனாட்சி சரவணன் தொடர் மூலமாக தொலைக்காட்சி ரசிகர்களின் ஆதரவைப் பெற்றுள்ள மிர்ச்சி செந்தில் பெரிய திரைக்கு பிரமோட் ஆகிறார்.

வெண்ணிலா வீடு என்று பெயரிடப்பட்டுள்ள இப்படத்தை வெற்றி மகாலிங்கம் இயக்குகிறார். தயாரிப்பாளர் பி.வி. அருண் இது குறித்து பேசுகையில், இப்படத்தில், ஹீரோயின் கதாபாத்திரம் விஜயலட்சுமிக்காகவே உருவாக்கப்பட்டது. அதில் அவர் நடிக்க ஒப்புக் கொண்டது சந்தோஷம் அளிக்கிறது என்று கூறினார்.

வெண்ணிலா வீடு படத்தில் செந்தில், விஜயலட்சுமி மற்றும் பரோட்டா சூரி, ஸ்ரீந்தா அஷப், முத்துராமன் உள்ளிட்டோர் நடிக்கின்றனர். கிராமத்தில் இருந்து நகரத்துக்கு குடிபெயரும் தம்பதிகளின் வாழ்க்கையை சித்தரிப்பதே இப்படத்தின் மையக் கருவாகும்.

கிராமத்தில் இருந்து நகரத்துக்கு வந்து வாழும் பல தம்பதிகளுக்கு இப்படம் பிடித்தமானதாக இருக்கும் என்று நம்புவதாக அருண் கூறுகிறார்.