தன்னை மணப்பவர் நேர்மையானவராக இருக்க வேண்டும்: ஆண்டிரியா

தன்னை மணப்பவர் நேர்மையானவராக இருக்க வேண்டும் என்று நடிகை ஆண்டிரியா தெரிவித்துள்ளார்.

பாடகியும் நடிகையுமான ஆண்டிரியா அன்னாயும் ரசூலும் எனும் திரைப்படத்தின் மூலம் முதன் முறையாக மலையாள திரையுலகிற்கு அறிமுகமாகிறார். இந்தப் படத்தில் கிராமத்து பெண் வேடத்தில் நடிக்கும் இவர் கஷ்டப்பட்டு டப்பிங் பேசியிருக்கிறார்.

இது குறித்து ஆண்டிரியா கூறியதாவது: காதலின் அடுத்த பரிமாணமே திருமணம். நானும் ஒரு சமயத்தில் காதலித்திருக்கிறேன். எனக்கு சரியென்று படுவதை மட்டுமே தேர்வு செய்வேன். மேலும் தன்னை மணப்பவர் ஒரு நேர்மையானவராக இருக்க வேண்டும் என விரும்புகிறேன் என்றார்.

'பச்சைக்கிளி முத்துச்சரம்', 'ஆயிரத்தில் ஒருவன்' படங்களில் நடித்திருக்கும் ஆண்டிரியா தற்போது கமலுடன் ‘விஸ்வரூபம் படத்தில் நடித்துள்ளார். இசை அமைப்பாளர் அனிரூத்துடன் முத்தமிட்ட புகைப்படம் வெளியானபோது பரபரப்பாக பேசப்பட்ட்வர்தான் இந்த ஆண்டிரியா.