ரஜினி தான் சிறந்த தலைவர் : தெலுங்கு இயக்குநர் ஷேகர் கம்முலா

தமிழ் திரையுலகில் சூப்பர் ஸ்டார் என்று அழைக்கப்படும் ரஜினிகாந்த் தான் சிறந்த தலைவர் என்று தெலுங்கு இயக்குநர் ஷேகர் கம்முலா தெரிவித்துள்ளார்.

அவர் சினிமாவில் மட்டும் அல்ல, அரசியலிலும் சிறந்த தலைவராக வருவார் என்று ஷேகர் கம்முலா கூறினார்.

தெலுங்கில் பல்வேறு திரைப்படங்களை இயக்கி புகழ்பெற்றவர் ஷேகர் கம்முலா. இவர் எடுத்த கோதாவரி, ஹேப்பி டேய்ஸ், லீடர், லைப் இஸ் பியூட்டிபுல் போன்ற படங்கள் பல விருதுகளை வென்றுள்ளது. ஏவிஎம் தயாரிப்பில் இவர் எடுத்த லீடர் படம் சூப்பர் டூப்பர் ஹிட்.

இதனை தமிழில் ரீமேக் செய்யும் திட்டத்தில் ஷேகர் கம்முலா உள்ளார். ஆனால் இந்த படத்துக்கு சரியான ஹீரோ சூப்பர் ஸ்டார்தான். அவரை வைத்துத்தான் இந்த படத்தை தமிழில் ரீமேக் செய்ய தான் விரும்புவதாகவும் அவர் கூறியுள்ளார். அதற்காக ரஜினி சாரை பார்க்க முயற்சித்தேன். ஆனால் எனது விருப்பம் நிறைவேறவில்லை. ஆனால், அவரை வைத்துதான் அப்படத்தை இயக்க வேண்டும் என்று முடிவோடு உள்ளேன். உண்மையிலேயே ஒரு தலைவர் என்பவர் எப்படி இருக்க வேண்டும் என்று ரஜினிகாந்த் வாழ்ந்து காட்டுகிறார். அவர் அரசியலுக்கு வந்தாலும், தமிழகத்தின் தலையெழுத்தையே மாற்றிவிடுவார். அவர் அரசியலுக்கு வர வேண்டும் என்று ஷேகர் கம்முலா கூறினார்.