விஸ்வரூபம் தடையை சட்ட ரீதியாக எதிர்கொள்வேன்: கமல்

விஸ்வரூபம் படத்துக்கு தமிழக அரசு விதித்த தடையை சட்ட ரீதியாக எதிர்கொள்வேன் என்றார் நடிகர் கமல்ஹாசன்.

இஸ்லாமிய அமைப்பினர் தமிழக அரசிடம் நேற்று மனு அளித்ததைத் தொடர்ந்து, விஸ்வரூபம் படத்துக்கு தடை விதிப்பதாக அரசு தெரிவித்திருந்தது. இந்நிலையில், விஸ்வரூபம் படத்துக்கு எதிரான கலாசார பயங்கரவாதத்தைத் தடுப்பேன் என்றும், இந்தப் பிரச்னையை சட்ட ரீதியாக எதிர்கொள்வேன் என்றும் நடிகர் கமல்ஹாசன் கூறினார். அரசியல் ஆதாயத்துக்காக சிலர் தன்னை பயன்படுத்திக் கொள்கின்றனர் என்றும், விஸ்வரூபம் படம் இஸ்லாமியர்களுக்கு எதிரான படம் அல்ல என்றும் அவர் கூறினார்.