மம்முட்டிக்கு ஜோடியானார் கார்த்திகா

லீலா திரைப்படத்தில் மலையாள சூப்பர் ஸ்டார் மம்முட்டிக்கு ஜோடியாக நடிக்கிறார் நடிகை கார்த்திகா.

இந்தப் படத்தை முன்னணி இயக்குனர் ரஞ்சித் இயக்குகிறார். இந்நிலையில் நடிகை கார்த்திகாவிடம், சீனியர் நடிகருடன் ஜோடி சேருகிறீர்களே என கேட்டதற்கு "மம்முட்டியை சீனியர் நடிகர் என்று சொல்ல வேண்டாம், அவரை சூப்பர் ஸ்டார் என்று சொல்லுங்கள் . தமிழில் ரஜினியுடன் இணைந்து நடிக்க எவ்வாறு நடிகைகள் விருப்பப்படுகிறார்களோ, அதுமாதிரிதான் மம்முட்டியுடன் நடிப்பதும்.

படத்தில் லீலா என்கிற கதாபாத்திரத்தில் நடிக்கிறேன். மேலும் இந்தப் படம் திருப்புமுனையை ஏற்படுத்தும் எனவும் நம்புகிறார் கார்த்திகா.