வட இந்தியாவில் 800 திரையரங்குகளில் விஸ்வரூபம் வெளியீடு!

கமலஹாசன் நடித்து இயக்கிய விஸ்வரூபம் படம் தமிழ் தெலுங்கு, இந்தி ஆகிய மூன்று மொழிகளில் தயாரானது. விஸ்வரூபம் படத்தின் இந்திப் பதிப்பு இன்று முதல் வட இந்தியாவில் வெளியாகிறது. தமிழகத்தில் விஸ்வரூபம் படத்துக்கு தடை விதிக்கப்பட்டு, அந்தப் பிரச்னை இன்னும் முடியாத நிலையில், இந்தியில் அப் படத்தை ரிலீஸ் செய்கிறார் கமல்.

மும்பை நகரில் ஏராளமான மல்டி பிளக்ஸ் தியேட்டர்கள் உள்ளன. இவை அனைத்திலும் விஸ்வரூபம் திரையிடப்படுகிறது. டெல்லி மற்றும் அதன் புறநகர் பகுதிகளான நொய்டா, காஜியாபாத், குர்கான், பரீதாபாத் ஆகிய இடங்களில் 19 தியேட்டர்களில் விஸ்வரூபம் திரையிடப்படுகிறது.

நாடு முழுவதும் பெரும் பரபரப்பை ஏற்படுத்தி உள்ள விஸ்வரூபம் படத்தை பார்க்க மக்கள் கூட்டம் அதிகம் வரும் என்பதால் நொய்டாவில் உள்ள ஒரு திரையரங்கில் ஒரே நாளில் 12 காட்சிகள் திரையிட ஏற்பாடு செய்துள்ளனர்.