பிரசன்னா நடிக்கும் 'கல்யாண சமையல் சாதம்'

திருமணத்துக்குப் பிறகு பிரசன்னா நடிக்கும் திரைப்படம் 'கல்யாண சமையல் சாதம்'.

கடந்த ஆண்டு மே மாதம் பிரசன்னா - சினேகா ஆகியோர் காதல் திருமணம் செய்து கொண்டனர். திருமணத்துக்குப் பிறகு இருவரும் விளம்பரங்களில் இணைந்து நடித்து வந்தனர். இந்நிலையில் நடிகர் பிரசன்னா 'கல்யாண சமையல் சாதம்' திரைப்படத்தில் நடிக்க ஒப்பந்தம் செய்யப்பட்டுள்ளார். அவருக்கு ஜோடியாக லேகா வாஷிங்டன் நடிக்கிறார். மேலும் படத்தில் டெல்லி கணேஷ், உமா பத்மநாபன் உள்பட பலர் நடிக்கின்றனர். பல குறும்படங்களை இயக்கிய ஆர்.எஸ். பிரசன்னா இந்தப் படத்தை இயக்குகிறார்.

திருமணத்தில் நடக்கும் கலாட்டாவை வயிறு குலுங்க சிரிக்க வைக்கும் விதத்தில் உருவாக்கி வருகிறார்கள். ‘அச்சமுண்டு அச்சமுண்டு ‘திரைப்படத்தைத் தயாரித்த ஆனந்த் கோவிந்தன், அருண் வைத்தியநாதன் ஆகியோர் தயாரிக்கின்றனர்.