அஜீத் நடிக்கும் வலை படத்தின் கதை

விஷ்ணுவர்த்தன் இயக்கி வரும் புதிய படத்தில் சைபர் கிரைம் ஆபிசர் வேடத்தில் அஜீத் நடித்துள்ளார்.

பில்லா திரைப்படத்துக்குப் பிறகு அஜீத்-விஷ்ணுவர்த்தன் கூட்டணி மீண்டும் புதிய படம் ஒன்றில் இணைந்திருக்கிறது. இதன் படப்பிடிப்பு மும்பையைத் தொடர்ந்து இப்போது துபாயில் நடந்து வருகிறது. அங்கு பாடல் மற்றும் சண்டைக் காட்சிகளை படமாக்கி வருகின்றனர். இதுவரை 90 சதவீதம் படப்பிடிப்பு முடிவடைந்த போதிலும் இன்னும் படத்திற்கு அதிகாரபூர்வமான தலைப்பு எதுவும் வைக்கப்படவில்லை. இருப்பினும் "வலை" என்ற பெயர்தான் இறுதி செய்யப்படும் என்று கூறப்படுகிறது.

இதனிடையே படத்தின் கதை இப்போது வெளியாகியுள்ளது. படத்தில் அஜீத் சைபர் க்ரைம் ஆபிசராக நடித்துள்ளார். பணியின் போது நடந்த தவறுக்காக சஸ்பெண்டாகும் அஜீத் குடும்பம், காதலி என்று மகிழ்ச்சியுடன் வாழ்ந்து கொண்டிருக்கிறார். அப்போது திடீரென்று ஒரு நாள் பயங்கர தகவல் அடங்கிய இமெயில் ஒன்று வருகிறது. பிரதமர், முதல்வர், என வரும் அந்த இமெயில் போலி முகவரியில் வருகிறது. இதனையடுத்து சஸ்பெண்டில் இருக்கும் அஜீத் உயர் அதிகாரிகளின் உத்தரவின்படி போலி முகவரியில் வந்த இமெயிலையும் அதன் பின்னணியையும் கண்டறிந்து வெல்வதே படத்தின் கதை.

துபாயில் முகாமிட்டிருக்கும் படக்குழுவினர், மார்ச் முதல் வாரம் அங்கு படப்பிடிப்புக்களை முடித்துக்கொண்டு தமிழகம் திரும்புகிறது. மேலும் சில காட்சிகள் தமிழக்திலும் படமாக்கப்படவுள்ளதாம்.