கே.எஸ்.ரவிக்குமார் இயக்கத்தில் வடிவேலு

நீண்ட இடைவெளிக்குப் பிறகு தமிழ் சினிமாவில் மீண்டும் நடிக்க வருகிறார் வடிவேலு.

சட்டமன்ற தேர்தலுக்குப் பிறகு நடிப்பதில் இருந்து விலகி இருந்த வடிவேலு இடையில் இரண்டு படங்களில் மட்டுமே நடித்திருந்தார். ஆனாலும் இயக்குனர்களை அழைத்து தொடர்ந்து கதை கேட்டு வந்தார்.

இதனிடையே வடிவேலுவை சந்தித்து கே.எஸ்.ரவிக்குமார் கதை ஒன்றை சொல்லியிருக்கிறார். அந்த கதை பிடித்துவிடவே வடிவேலு தரப்பு உடனே சம்மதம் தெரிவித்துவிட்டது. வடிவேலு-கே.எஸ்.ரவிக்குமார் கூட்டணி இணையும் இந்தப் படத்துக்கு ‘ஆப்பிரிக்காவில் வடிவேலு’ என பெயரிடப்பட்டுள்ளது.

இப்படத்திற்கான கதையை ரஜினியின் வாழ்க்கை வரலாற்றை எழுதிய டாக்டர் காயத்ரி எழுதியுள்ளார். ஆப்பிரிக்கா காட்டில் தன்னந்தனியாக மாட்டிக் கொள்ளும் வடிவேலு, அங்கு அனுபவிக்கும் சிக்கல்களையும், சிரமங்களையும் கதையாக உருவாக்கியிருக்கிறார்கள். பிரமாண்ட பொருட்செலவில் படம் தயாராக இருக்கிறது.