சுந்தர்.சி படத்தில் பணம் வாங்காமல் நடித்த விஷால்

விஷால் நடித்த 'மத கஜ ராஜா' எனும் படத்தை தொடர்ந்து சுந்தர்.சி இயக்கி வரும் திரைப்படம் 'தீயா வேலை செய்யணும் குமாரு'.

சித்தார்த் நாயகனாக நடிக்கும் இந்தப் படத்தில் அவருக்கு ஜோடியாக ஹன்சிகா நடிக்கிறார். சுந்தர்.சி-யின் மனைவி குஷ்பூ தயாரிக்கிறார். சுமார் 70 சதவீதம் படப்பிடிப்பு முடிவடைந்த நிலையில் படத்தின் பாடல் சம்மந்தப்பட்ட காட்சிகளை அடுத்த வாரம் படமாக்கிட திட்டமிட்டுள்ளனர். இதனிடையே 'தீயா வேல செய்யணும் குமாரு' படத்தில் கௌரவ தோற்றத்தில் நடித்திருக்கிறார் விஷால். சந்தானம் வரும் காட்சி ஒன்றில் விஷால் நடித்தால் நன்றாக இருக்கும் என இயக்குனர் ஆசைப்பட்டிருக்கிறார். உடனே தன்னுடைய இந்த விருப்பத்தை விஷாலிடம் தெரிவித்திருக்கிறார் சுந்தர்.சி . இதற்கு மறுப்பு தெரிவிக்காத விஷால் தனது பங்குக்கு சிறப்பாக நடித்துக் கொடுத்திருக்கிறார்.

இதற்காக அவர் சம்பளம் எதுவும் வாங்கவில்லையாம். எனவே விஷாலின் இந்த நல்ல மனதை எண்ணி பெருமைப்பட்டு வருகிறது இயக்குனர் தரப்பு