ஐ.பி.எல். தொடக்க விழா: கேத்ரினா கைஃப், பிரியங்கா சோப்ரா பங்கேற்பு

ஆறாவது ஐபிஎல் போட்டியின் தொடக்க விழாவில் பாலிவுட் நட்சத்திரங்கள் கேத்ரினா கைஃப், பிரியங்கா சோப்ரா ஆகியோரின் நடனம் இடம்பெறுகிறது.

6-வது ஐபிஎல் போட்டியின் தொடக்க விழா ஏப்ரல் 2-ம் தேதி கொல்கத்தாவில் நடைபெறுகிறது. இதை ஐபிஎல் நடப்புச் சாம்பியனான கொல்கத்தா நைட் ரைடர்ஸ் அணியின் உரிமையாளரும், பாலிவுட் நடிகருமான ஷாரூக்கானின் "ரெட் சில்லிஸ் எண்டர்டெயின்மென்ட்' நிறுவனம் நடத்துகிறது. கடந்த ஆண்டு சென்னையில் நடைபெற்ற தொடக்க விழாவின்போது இதேபோன்று பிரமாண்ட கலைநிகழ்ச்சி நடைபெற்றது. அதில் கரீனா கபூர், பிரியங்கா சோப்ரா ஆகியோர் பங்கேற்றது குறிப்பிடத்தக்கது.