உருளைக்கிழங்கு மிளகு வறுவல்

தேவையானப்பொருட்கள்:

உருளைக்கிழங்கு – 4 (நடுத்தர அளவு)
வெங்காயம் – 1
மிளகாய் தூள் – 1 டீஸ்பூன்
தனியா தூள் – 2 அல்லது 3 டீஸ்பூன்
மஞ்சள் தூள் – 1/4 டீஸ்பூன்
மிளகு (கொரகொரப்பாக பொடித்தது) – 1 டீஸ்பூன்
சீரகம் – 1/2 டீஸ்பூன்
கறிவேப்பிலை – சிறிது
நல்லெண்ணெய் – 2 டேபிள்ஸ்பூன்
உப்பு – 1 டீஸ்பூன் அல்லது தேவைக்கேற்றவாறு

செய்முறை:

உருளைக்கிழங்கை வேக வைத்து, தோலை உரித்து விட்டு, சிறு துண்டுகளாக வெட்டிக் கொள்ளவும்.
வெங்காயத்தைப் பொடியாக நறுக்கிக் கொள்ளவும்.
ஒரு வாணலியில் எண்ணை விட்டு, காய்ந்ததும் சீரகம், கறிவேப்பிலைச் சேர்த்து, சீரகம் பொரிந்ததும் வெங்காயத்தைச் சேர்த்து வதக்கவும். பின்னர் அதில் உருளைக் கிழங்கைப் போட்டு சற்று வதக்கவும். அதன் பின் அதில் மிளகாய்த்தூள், தனியாத்தூள், மஞ்சள் தூள், உப்பு சேர்த்து நன்றாகப் பிரட்டி விடவும். கடைசியில் மிளகுத்தூளைத் தூவி, மீண்டும் நன்றாகக் கிளறி விடவும். அடுப்பை சிறு தீயில் வைத்து, உருளைக்கிழங்கை அடிக்கடி திருப்பி விட்டு 5 முதல் 10 நிமிடங்கள் வரை அல்லது கிழங்கு பொன்னிறமாகும் வரை வைத்திருந்து எடுக்கவும்.