நோ என்ட்ரி'க்குள் நுழைந்த 'ஹேப்பி ஹஸ்பண்ட்ஸ்'!

மலையாளத்தில் வெளிவந்திருக்கும் 'ஹேப்பி ஹஸ்பண்ட்ஸ்', இந்தி படத்தின் கதை என்றும், அதை திருட்டுத்தனமாக எடுத்து வெளியிட்டுள்ளதாக நடிகர் ஜெயராம், நடிகை பாவனா உள்ளிட்ட 'ஹேப்பி ஹஸ்பண்ட்ஸ்' படக்குழுவினர் மீது வழக்கு பதிவு செய்யப்பட்டுள்ளது. மிலன் ஜலில் தயாரிப்பில், சாஜி சுரேந்திரன் இயக்கத்தில், ஜெயராம், ஜெயசூர்யா, இந்திரஜித், பாவனா, ரீமா கல்லிங்கல், சம்விருதா உள்ளிட்டோர் நடிப்பில், மலையாளத்தில் கடந்த ஆண்டு வெளிவந்த சூப்பர்ஹிட் திரைப்படம் 'ஹேப்பி ஹஸ்பண்ட்ஸ்'. இப்படம் இந்தியில் வெளியான 'நோ என்ட்ரி' படத்தின் கதை என குற்றம் சாட்டப்பட்டுள்ளது. 'நோ என்ட்ரி' படக்குழுவுக்கு தெரியாமல், இப்படத்தின் கதையை திருட்டு தனமாக மலையாளத்தில், 'ஹேப்பி ஹஸ்பண்ட்ஸ்' என்ற பெயரில் வெளியிட்டுள்ளதாகவும், இதன்காரணமாக நடிகர் ஜெயராம், நடிகை பாவனா, தயாரிப்பாளர் மிலன் ஜலில், டைரக்டர் சாஜி சுரேந்திரன் உள்ளிட்டோர் மீது வழக்கு தொடரப்பட்டுள்ளது. இதனிடையே இப்படம் இந்தி படத்தின் தழுவல் இல்லை என்று டைரக்டர் சாஜி சுரேந்தர் கூறியிருக்கிறார். நோ என்ட்ரிக்குள்ள எம்புட்டு சாமர்த்தியமா போயிருக்காக... இருந்தாலும் இவ்வளவு லேட்டாவா ஃபைன் போடறது...?