எல்லோரும் செல்லம்.. செல்லம்னுதான் கூப்பிடுவாங்க: தமன்னா

தமிழில்தான் நிறைய கேப் விழுந்துடுச்சு, ஆனால் தெலுங்கில் ரொம்ப பிஸியாகத்தான் இருக்கிறேன் என்று நடிகை தமன்னா கூறியுள்ளார். ஒன்றரை வருட இடைவெளிக்கு பிறகு சென்னை வந்த தமன்னா பாலில் கோர்த்த முத்துக்கள் போல பளபளவென்று, உற்சாகமாக இருக்கிறார். 'காதல் தேசம்' இயக்குநர் கதிரின் உதவியாளர் கருணாகரன் இயக்கத்தில், 'ஏனென்றால் காதல் என்பேன்' படத்தின் மூலம் மீண்டும் தமிழ் சினிமாவிற்கு வந்து இருக்கிறார் தமன்னா. தமிழ், தெலுங்கு ஆகிய இரண்டு மொழியில் உருவாகும் இப்படத்தில் தமன்னா ஜோடியாக புதுமுகம் ராம் நடிக்கிறார். இப்படத்தின் அறிமுக விழாவிற்காக சென்னை வந்திருந்தார் தமன்னா. அப்போது அவர் அளித்த பிரத்யேக பேட்டி இதோ, நான் நீண்ட இடைவெளிக்கு பிறகு சென்னை ஏர்போர்ட் வந்து இறங்கியதுமே புதுசா ஒரு காற்று அடித்தது. அதில் இந்த ஊர் மக்களின் அன்பு தெரிந்தது என்று ஆரம்பமே அமர்க்களமாக ஆரம்பித்த தமன்னாவிடம், தமிழில் ஏன்? இவ்வளவு பெரிய இடைவெளி என்று கேட்டதற்கு, நான் எதிர்பார்த்தமாதிரி படங்கள் எதுவும் அமையவில்லை. இப்போது தான் நல்ல கதை அமைந்தது. தெலுங்கில் கருணாகரன், நல்ல பெயர் எடுத்த இயக்குநர். அவரின் பல படங்கள் ஹிட்டாகியுள்ளது. அவருடைய படத்தில் ஹீரோயின்களை பூ மாதிரி காட்டுவார். அவ்வளவு நல்ல ரோல் இருக்கும். நானே அவருக்கு போன் பண்ணி, உங்க படத்தில் நடிக்க வேண்டும் என்று கேட்டேன். அவரும் வாய்ப்பு கொடுத்தார். ஷூட்டிங் ஸ்பாட்டில் ஹீரோ உட்பட எல்லோரும் என்னை செல்லம், செல்லம்... என்று தான் அழைப்பார்கள். தமிழில்தான் நடிக்காமல் நிறைய கேப் விழுந்துடுச்சு, ஆனால் தெலுங்கில் ரொம்ப பிஸியாகத்தான் இருக்கிறேன். எனக்கு அந்த இடம், இந்த இடம் என்பதில் எல்லாம் நம்பிக்கை இல்லை. நான் ஒரு ஆர்ட்டிஸ்ட் அவ்வளவுதான். தமிழில் ஷங்கர், முருகதாஸ், கௌதம் மேனன் ஆகியோரின் படங்களிலும், இதுதவிர அஜித், விக்ரம், சிம்பு ஆகியோர் கூடவும் நடிக்க விரும்புகிறேன். இனி நிறைய தமிழ் படங்களில் நடிக்க ஆசை இருக்கு. அதற்காக கடினமாக உழைக்கிறேன். இன்னும் நல்ல நல்ல கேரக்டரில் எல்லாம் நடித்து, ரசிகர்கள் மனதில் எப்பவும் இடம் பிடிக்கணும் என்று கூறினார். வாங்க.. வாங்க.. ஒங்களுக்காக ரசிகர்கள் காத்துக்கெடக்குறாங்க.....