சமையல்:தேன் ஐஸ்கிரீம்

கோடை ஆரம்பிச்சாச்சு... இனி என்ன வீட்டிலேயே குளு குளு ஐஸ் க்ரீமா செஞ்சு சூப்பரா சாப்பிடலாமே.....


தேவையான பொருட்கள்:

முட்டை வெள்ளைக்கரு - 5
பால் - 1/2 லிட்டர்
கிரீம் - 1/4 லிட்டர்
தேன் - 1-1/2 கப்
வெண்ணிலா எஸ்ஸென்ஸ் - 1 டேபிள் ஸ்பூன்

செய்முறை:

* முட்டையையும் தேனையும் ஒரு பாத்திரத்தில் போட்டு நன்றாக அடித்துக்கொள்ளவும்.

* பாலை ஒரு பாத்திரத்தில் அது கொதிநிலை வரும் வரை சூடாக்கவும்.

* அதன் பின்னர் மெதுவான தீயாகக் குறைத்து விடவும்.

* இதில் பால் தேன் கலவையைக் கொட்டி கெட்டியாகும் வரை கலக்கவும்.

* இதனை தீயிலிருந்து எடுத்து வடிகட்டி குளிரவைக்கவும்.

* இதில் கிரீமை சேர்த்து கலந்து வெண்ணிலா எஸ்ஸென்ஸ் கலந்து இதனை ஐஸ்கிரீம் கோப்பைகளில் ஊற்றி இரவு முழுவதும் உறையும் குளிர்பதன பெட்டியில் உறைய வைக்கவும்.

* அடுத்த நாள் எடுத்து உண்ணலாம்.