காரட் சட்னி

தேவையானப்பொருட்கள்:

காரட் – 2
காய்ந்த மிளகாய் – 4 முதல் 5 வரை
புளி - ஒரு நெல்லிக்காயளவு
கடலைப்பருப்பு – 1 டேபிள்ஸ்பூன்
உளுத்தம் பருப்பு 1 டேபிள்ஸ்பூன்
பெருங்காய்த்தூள் – ஒரு சிட்டிகை
நல்லெண்ணெய் – 2 டீஸ்பூன்
உப்பு - 1 டீஸ்பூன் அல்லது தேவைக்கேற்றவாறு

செய்முறை:

காரட்டைக் கழுவி, தோல் சீவி, நடுத்தர அளவு துண்டுகளாக வெட்டிக் கொள்ளவும்.
ஒரு வாணலியில் எண்ணை விட்டு சூடானதும் அதில் கடலைப்பருப்பு மற்றும் உளுத்தம் பருப்பைப் போட்டு சிவக்க வறுக்கவும். பின்னர் அத்துடன் மிளகாய், பெருங்காயம், புளி சேர்த்து வதக்கவும். கடைசியில் காரட் துண்டுகளைச் சேர்த்து ஓரிரு வினாடிகள் வதக்கி, இறக்கி ஆற விடவும். ஆறிய பின் உப்பு சேர்த்து விழுதாக அரைத்தெடுக்கவும்.