2-வது நாளாக கமல் வீட்டில் திரண்ட ரசிகர்கள்: பெண் எழுத்தாளர் ஆவேச பேட்டி

ஆழ்வார்பேட்டையில் உள்ள கமலஹாசன் வீட்டுக்கு இன்று காலை சரத்குமார், ராதிகா, பிரபு, சிவகுமார், சூர்யா, கார்த்தி, மாதவன், ராஜேஷ், டைரக்டர் பாலா, தயாரிப்பாளர் ஞானவேல்ராஜா ஆகியோர் வந்தனர். கமல் வீட்டு முன்பு ரசிகர்கள் இன்று 2-வது நாளாக திரண்டனர். அவர்கள் கூறுகையில்,

கமலஹாசனை நாட்டை விட்டு வெளியேற விடமாட்டோம். எங்கள் உயிரை கொடுத்தாவது அதை தடுப்போம் என்றனர். இதற்கிடையே கமல் வீட்டுக்கு வந்த நாவல் எழுத்தாளர் அகிலா கிருஷ்ணன் கூறியதாவது:-

கமல் மரமாக மாறினால் நாங்கள் விழுதாக இருப்போம். அவர் பறவையானால் நாங்கள் வேடந்தாங்கலாக இருப்போம் என்றார்.