மோகன் பாபு தந்தை மரணம்: ரஜினிகாந்த் நேரில் துக்கம் விசாரித்தார்

தெலுங்கு நடிகர் மோகன் பாபுவின் தந்தை நாராயணசாமி கடந்த வாரம் மரணம் அடைந்தார். நடிகர் ரஜினிகாந்த் நேற்று மோகன்பாபு வீட்டுக்கு நேரில் சென்று துக்கம் விசாரித்தார்.

திருப்பதி அருகில் உள்ள மோகன்பாபுவுக்கு சொந்தமான ஸ்ரீ வித்யா நிகேதன் கல்வி அறக்கட்டளை அலுவலகம் உள்ளது. அதன் அருகிலேயே அவரது வீடும் உள்ளது. இந்த வீட்டுக்கு ரஜினிகாந்த் நேற்று மாலை சென்னையில் இருந்து காரில் புறப்பட்டுச் சென்றார். மோகன்பாபுவின் கைகளை பிடித்துக் கொண்டு ஆறுதல் கூறினார்.

அப்போது ரஜினியை மோகன்பாபு கட்டிப்பிடித்தபடி அழுதார். நிண்ட நேரம் ரஜினி அங்கேயே உட்கார்ந்து இருந்தார். பின்னர் காரில் சென்னை திரும்பினார்.