32-ஆம் ஆண்டு திருமண நாள்: ரஜினி ரசிகர்கள் பிராத்தனை, அன்னதானம்

ரஜினிக்கும், லதாவுக்கும் 1981, பிப்ரவரி 26-ந் தேதி திருப்பதியில் திருமணம் நடந்தது. ரஜினி-லதாவின் 32-ஆம் ஆண்டு திருமண நாளை ரசிகர்கள் இன்று கொண்டாடினார்கள்.

10 சென்னை மாவட்ட ரசிகர் மன்றம் சார்பில் கோவில்களில் சிறப்பு வழிபாடு நடந்தது. மயிலாப்பூர் கபாலீஸ்வரர் கோவில், சாய்பாபா கோவில், சைதாப்பேட்டை இளங்காளியம்மன் கோவில், தியாகராய நகர் திருப்பதி தேவஸ்தானம், தாம்பரம் செல்வ விநாயகர் கோவில், அடையாறு வேளாகண்ணி ஆலயம் போன்ற கோவில்களில் ஏராளமான ரசிகர்கள் திரண்டு ரஜினி பெயரில் அர்ச்சனை செய்தனர். சிறப்பு வழிபாடும் நடந்தது.

அசோக் நகரில் உள்ள ராகவா லாரன்ஸ் ஆதரவற்றோர் இல்லத்தில் குழந்தைகளுக்கு ரசிகர் மன்றம் சார்பில் உணவு வழங்கப்பட்டது. போர்வைகளும் வழங்கினார்கள்.

நிகழ்ச்சியில் சென்னை மாவட்ட ரஜினி ரசிகர் மன்ற நிர்வாகிகள் என்.ராம்தாஸ், ஆர்.சூர்யா, கே.ரவி, சூளைமேடு ஆர்.ரவிச்சந்திரன், என்.ரஜினி ஆனந்தன், எம்.கே.ரஜினி சுகுமார், மு.ரஜினி டில்லி, க.எழில் அரசு, சைதை ஜி. ரவி, சைதை ஆர்.முருகன், சூளைமேடு கோ.சமபத்குமார், எம்.ரஜினி கேசவன், பட்டாணி ஜி.மணி, டி.முருகன், ரஜினி பித்தன், நியூஸ்பேப்பர் சீனு, பி.பன்னீர் செல்வம், பி.செல்வம், ஜி.எஸ்.ஸ்ரீகாந்த், டி.தாமஸ், எஸ்.சண்முகபாண்டியன், டி.சுந்தர் உள்ளிட்டோர் பங்கேற்றனர்.

ரஜினி மனைவி லதாவிடம் கோவில் பிரசாதங்களை ரசிகர்கள் நேரில் வழங்கினார்கள்.