மூன்று இடங்களில் இடம்பெற்ற பாலியல் வல்லுறவு! இரு சிறுமிகள்,பெண் பலாத்காரம்!

எப்பாவல – கல்வடுவாகம பிரதேசத்தில் 11 வயது சிறுமியை பாலியல் வல்லுறவுக்கு உட்படுத்திய 36 வயதுடைய சந்தேகநபர் கைது செய்யப்பட்டுள்ளார்.

குறித்த சிறுமி கடந்த 7ம் திகதி பாலியல் வல்லுறவுக்கு உட்படுத்தப்பட்டுள்ளதுடன் இது குறித்து நேற்று (09) எப்பாவல பொலிஸாருக்கு கிடைத்த முறைப்பாட்டை அடுத்து சந்தேகநபர் கைது செய்யப்பட்டுள்ளார்.

சந்தேகநபர் இன்று தம்புத்தேகம நீதவான் நீதிமன்றில் ஆஜர்படுத்தப்படவுள்ளார்.

மேலும் குருநாகல் – வில்கொடவத்தை பகுதி வீடொன்றில் புகுந்த நபர் வீட்டில் இருந்த 29 வயது பெண்ணை கத்தியை காட்டி மிரட்டி பலாத்காரமாக பாலியல் வல்லுறவுக்கு உட்படுத்தியுள்ளார்.

கடந்த 8ம் திகதி இடம்பெற்ற இச்சம்பவம் குறித்து நேற்று (09) குருநாகல் பொலிஸாருக்கு முறைப்பாடு செய்யப்பட்டதை அடுத்து சம்பவத்துடன் தொடர்புடைய 29 வயதுடைய சந்தேகநபர் கைது செய்யப்பட்டுள்ளார்.

சந்தேகநபர் இன்று குருநாகல் நீதவான் நீதிமன்றில் ஆஜர்படுத்தப்படவுள்ளார்.

இதேவேளை, மாத்தளை – நாகொல்ல – உக்குவெல பகுதியைச் சேர்ந்த 14 வயதுடைய சிறுமியை பாலியல் வல்லுறவுக்கு உட்படுத்திய 21 வயது இளைஞர் கைது செய்யப்பட்டுள்ளார்.

சந்தேகநபர் இன்று மாத்தளை நீதவான் நீதிமன்றில் ஆஜர்படுத்தப்படவுள்ளார்.