காய்கறி இட்லி!

தேவையானப்பொருட்கள்:

பாசிப் பருப்பு - 1/2 கப்
உளுத்தம் பருப்பு - 1/2 கப்
ரவை - 1 கப்
இஞ்சி - ஒரு சிறிய துண்டு
மிளகாய் - 3 அல்லது 4
பெருங்காயத்தூள் - 1/2 டீஸ்பூன்
நெய் - 1 டீஸ்பூன்
கேரட் – 1
வேகவைத்த பச்சை பட்டாணி - 2 டேபிள்ஸ்பூன்
உப்பு - தேவைக்கேற்றவாறு

செய்முறை........

* பாசிப் பருப்பு, உளுத்தம் பருப்பு இரண்டையும் 4 அல்லது 5 மணி நேரம் ஊறவைக்கவும்.

* பருப்பு ஊறியவுடன், தண்ணீரை வடித்து விட்டு, அத்துடன் பச்சைமிளகாய், இஞ்சி, பெருங்காயம் சேர்த்து நன்றாக அரைத்தெடுக்கவும்.

* காரட்டை பொடியாக துருவிக்கொள்ளவும்.

* ஒரு பாத்திரத்தில் அரைத்த மாவுடன் ரவை, துருவிய காரட், வேகவைத்த பட்டாணி ஆகியவற்றை ஒன்றாகப் போட்டு, உப்பையும் சேர்த்துக் கலக்கவும்.

* இதோடு சிறிது தயிர் சேர்த்து இட்லி மாவு பதத்திற்குக் கரைத்துக் கொள்ளவும்.

* இட்லி தட்டில் சிறிது நெய்யைத் தடவி, அதில் இட்லி மாவை விட்டு, பத்து நிமிடங்கள் இட்லி பானையில் வைத்து வேக விடவும்.

* கலர் கலராய், சத்துள்ள இட்லி தயார்.

* இந்த மாவில் காளான் மற்றும் முந்திரியையும் சேர்க்கலாம். குழந்தைகளுக்கு ஏற்ற சத்தான உணவு.