கவர்ச்சியாக நடிக்க ஹீரோயின்கள் தயங்க கூடாது : மடால்ஷா அட்வைஸ்

சென்னை: கவர்ச்சியாக நடிக்க ஹீரோயின்கள் தயங்கக்கூடாது என்றார் மடால்ஷா. ‘தம்பிக்கு இந்த ஊரு படத்தில் நடித்தவர் மடால்ஷா ஷர்மா. தற்போது ‘பத்தாயிரம் கோடி என்ற படத்தில் நடிக்கிறார். இது பற்றி அவர் கூறியதாவது: தமிழில் ஒரு படத்தில் நடித்துவிட்டு தெலுங்கு இந்தி படங்களில் நடிக்க சென்றேன். மீண்டும் பத்தாயிரம்கோடி படம் மூலம் தமிழில் நடிக்கிறேன். இதுவொரு வித்தியாசமான படம் என்பதைவிட ஜேம்ஸ்பாண்ட் பாணியிலான படம் என்று கூறலாம். ஒரு பெரிய புள்ளியிடமிருந்து 3 கல்லூரி மாணவர்கள் 10 ஆயிரம் கோடியை திருடிக்கொண்டு தப்பிக்கின்றனர். அவர்களை துரத்தி பிடிப்பதுதான் கதை.

இயக்குனர் ஸ்ரீனிவாசன் சுந்தர் இதன் ஸ்கிரிப்ட் சொல்லும்போதே அடுத்து என்ன நடக்கப்போகிறது என்ற ஆர்வமும், அத்துடன் இடைவிடாத நகைச்சுவையும் இழையோடும் வகையில் இருந்தது. தருவ் பண்டாரி ஹீரோ. சிபிஐ ஆபீஸராக விவேக் நடிக்கிறார். இதில் கவர்ச்சிக்கும் இடமிருக்கிறது. மாடர்ன் உடைகள் அணிந்து நடித்திருக்கிறேன். ஹீரோயின்கள் கவர்ச்சியாக நடிப்பதை சிலர் விமர்சிக்கின்றனர். கவர்ச்சி என்பது கமர்ஷியல் அம்சங்களில் ஒன்றாக இன்று எல்லா திரையுலகிலும் மாறிவிட்டது. கவர்ச்சியாக நடிக்க ஹீரோயின்கள் தயங்க கூடாது. இப்படம் எனக்கு தமிழில் திருப்பு முனையாக அமையும். இவ்வாறு மடால்ஷா கூறினார்.