ஒரே ஷாட்டில் முழுநீள படம்

சென்னை : லாஸ்ட் பெஞ்ச் பாய்ஸ் புரொடக்ஷன்ஸ் தயாரிக்கும் படம், ‘அகடம்’. புதுமுகங்கள் ஸ்ரீநி அய்யர், பாஸ்கர், தமிழ், கலைசேகரன், எஸ்.சரவணபாலாஜி, ஸ்ரீபிரியங்கா, அனிஷா நடிக்கின்றனர். ஒளிப்பதிவு, ஐ.நௌஷாத். இசை, ஷ்யாம் பெஞ்சமின். இசட்.முஹம்மத் இசாக் எழுதி, இயக்குகிறார். அவர் கூறியதாவது:

உண்மைச் சம்பவம் ஒன்றை மையமாக வைத்து படம் உருவாகியுள்ளது. இரவு நேரத்தில், ஒரே ஷாட்டில் இரண்டு மணி நேரம் மட்டுமே படப்பிடிப்பு நடத்தப்பட்டது. குறைந்த அளவு நேரத்தில், ஒரே ஷாட்டில் முழு படமும் உருவானது இதுவே முதல்முறை. அதற்காக லண்டனிலுள்ள கின்னஸ் அமைப்பின் தலைமையகத்துக்கு கடிதம் எழுதப்பட்டு, ஒப்புதல் கடிதமும் வந்துள்ளது. தமிழில் ரிலீசான பிறகு இதை இந்தியிலும் இயக்குகிறேன்.