சேலை கட்ட மாட்டேன் : மேக்னா திடீர் முடிவு

சேலை கட்டி நடிக்கும் வேடத்துக்கு மேக்னா ராஜ் முழுக்கு போட்டார். இதுபற்றி மேக்னா ராஜ் கூறியதாவது: ‘காதல் சொல்ல வந்தேன்’, ‘உயர்திரு 420’, ‘நந்தா நந்திதா’ படங்களில் மாறுபட்ட வேடங்களில் நடித்தேன். மலையாளத்திலும் நல்ல வேடங்கள் வந்தது. ‘பியூட்டிஃபுல்’ என்ற மலையாள படத்தில் சேலை கட்டி நடித்தேன். அந்த படம் வெற்றி பெற்றது. இதையடுத்து எனக்கு வரும் வாய்ப்புகள் எல்லாசேலை கட்டி நடிக்கும் அம்மா வேடத்துக்கே வருகிறது. இதுவரை நடித்த படங்களில் நிறைய தடவை சேலை கட்டி நடித்துவிட்டேன்.

மீண்டும் அதுபோல் நடித்தால் சேலை கட்டித்தான் நடிக்க லாயக்கு என்று முத்திரை குத்தி விடுவார்கள். தொடர்ச்சியாக ஒரே பாத்திரத்தில் நடித்துவிட்டு சில ஹீரோயின்கள் தவிப்பதுபோல் நானும் தவிக்க வேண்டி இருக்கும். இதை மனத்தில் வைத்துதான் இனிவரும் படங்களில் வித்தியாசமான கேரக்டர்களை தேர்வு செய்கிறேன். அடுத்து நடிக்கும் ‘கள்ள சிரிப்பழகா’, ‘நிமிர்ந்து நில்’ மற்றும் மலையாள படங்கள் ‘ரெட் ஒயின்’, ‘அப் அண்ட் டவுன்’ போன்ற படங்களில் மாறுபட்ட கேரக்டர்களில் நடிக்கிறேன். இவ்வாறு மேக்னா ராஜ் கூறினார்.