ஜனவரியில் கில்லாடி

சென்னை : ஸ்ரீசரவணா கிரியேஷன்ஸ் சார்பில் சேலம் ஏ.சந்திரசேகர் தயாரிக்கும் படம், ‘கில்லாடி’. பரத், நிலா, விவேக், ரோஜா உட்பட பலர் நடிக்கின்றனர். படத்தை இயக்கும் ஏ.வெங்கடேஷ் நிருபர்களிடம் கூறியதாவது: காதலிக்காத காதலர்களின் காதல் கதை. பரத், நிலாவுக்கு இடையே காதல் இல்லை. ஆனால், காதலிக்கிறார்கள். அது எப்படி என்பது திரைக்கதை. விவேக் 5 கெட்டப்புகளில் காமெடி செய்துள்ளார்.

பரத் நடித்த ஒரு சேஸிங், 2 சண்டைக்காட்சிகளை சூப்பர் சுப்பராயன் அமைத்தார். இதில் சேற்றில் நடக்கும் சண்டை ஹைலைட்டாக இருக்கும். மழையில் நனையும் காட்சியில் நடிக்க மினரல் வாட்டர் கேட்டார் என்று, நிலா பற்றி வதந்தி வந்தது. அதில் உண்மையில்லை. ஆனால், படத்துக்கு அவர் கொடுத்த ஒத்துழைப்பு அபாரமானது. தயாரிப்பாளர் சந்திரசேகருக்காக, படத்தில் நடித்தவர்கள் சம்பளம் குறைத்து நடித்தனர். இப்போது போஸ்ட் புரொடக்ஷன் பணி நடக்கிறது. ஜனவரியில் ரிலீசாகிறது.