பாலியல் பலாத்காரத்துக்கு உடன்பட மறுத்த இளம் பெண் சுட்டுக் கொலை!

10


04f3fbe6-6094-4faa-a37a-a5b2fe97c4db_S_secvpfடில்லியில் பாலியல் பலாத்காரத்துக்கு உடன்பட மறுத்த இளம் பெண்ணை இரண்டு பேர் துப்பாக்கியால் சுட்டுக் கொன்ற சம்பவம், அதிர்ச்சியை ஏற்படுத்தியுள்ளது.

டில்லியைச் சேர்ந்தவர் பூஜா, 22. நேற்று முன்தினம் இரவு, சராய் கலே கான் என்ற இடத்தில் உள்ள பஸ் நிலையத்தில் நின்று கொண்டிருந்தார்.

அப்போது, அங்கு வந்த, இரண்டு பேர், பூஜாவை, பாலியல் பலாத்காரம் செய்ய முயற்சித்தனர்.

அவரை, தங்களின் பைக்கில், வலுக்கட்டாயமாக இழுத்துச் செல்ல திட்டமிட்டனர். இதற்கு, பூஜா எதிர்ப்பு தெரிவித்தார்.

ஆத்திரம் அடைந்த, அந்த இரண்டு பேரும், பூஜாவை, துப்பாக்கியால் சுட்டனர். இதில், அவர் மீது, மூன்று குண்டுகள் பாய்ந்தன.

ரத்த வெள்ளத்தில், கீழே சாய்ந்தார்; அந்த வழியாக சென்றவர்கள், பூஜாவை மருத்துவமனையில் சேர்த்தனர்.

ஆனால், அவர் ஏற்கனவே இறந்து விட்டதாக, மருத்துவர்கள் தெரிவித்தனர். இதுகுறித்து விசாரணை நடத்திய பொலிஸார், குற்றவாளிகளில் ஒருவரான, முன்ஷிராமை கைது செய்தனர். மற்றொரு நபரை தேடி வருகின்றனர்.

இதற்கிடையே, பொலிஸ் தரப்பில், “இறந்த பெண்ணுக்கும், அவரை பாலியல் பலாத்காரம் செய்ய முயற்சித்தவர்களுக்கும், ஏற்கனவே அறிமுகம் இருந்துள்ளது.

தனிப்பட்ட பிரச்னை காரணமாகவே, அந்த பெண்ணை கொலை செய்துள்ளனர்,என்றும் கூறுகின்றனர்.