டெல்லியில் பள்ளி வளாகத்தில் 7 வயதுச் சிறுமி பாலியல் பலாத்காரம்!

டெல்லியின் வடகிழக்குப் பகுதியில் உள்ள மோங்கோல்புரி மாநகராட்சி தொடக்கப் பள்ளியில் 2-ம் வகுப்பு படித்த சிறுமி (வயது 7) நேற்று மாலை, பள்ளி வளாகத்தில் பாலியல் பலாத்காரம் செய்யப்பட்டுள்ளார். இதில் பலத்த காயம் அடைந்த அந்த சிறுமி மருத்துவமனையில் சிகிச்சைக்காக சேர்க்கப்பட்டுள்ளார்.

இதுதொடர்பாக சிறுமியின் பெற்றோர் புகார் அளித்த புகாரின்பேரில் போலீசார் வழக்குப்பதிவு செய்து பள்ளி ஆசிரியர்கள் 2 பேர் மற்றும் காவலாளி ஆகியோரை பிடித்து தீவிர விசாரணை நடத்தி வருகின்றனர். ஆனால் பாதிக்கப்பட்ட சிறுமி, இதுவரை குற்றவாளிகளை அடையாளம் காட்டவில்லை.

சிறுமி பலாத்காரம் செய்யப்பட்டதையடுத்து ஆத்திரமடைந்த அப்பகுதி மக்கள் ஆர்ப்பாட்டத்தில் ஈடுபட்டனர்.

டெல்லியில் மருத்துவ மாணவி பலாத்காரம் செய்யப்பட்டு கொலை செய்யப்பட்ட பின்னர் பெண்கள் மற்றும் குழந்தைகளின் பாதுகாப்பை அரசு மேம்படுத்தி வருகிறது. இருந்தாலும் பாலியல் கொடுமைகள் தொடர்ந்து நடைபெற்று வருவது காவல்துறைக்கு கடும் சவாலாக உள்ளது.