டை ஹார்ட் 5

சென்னை : ‘டை ஹார்ட்’ பட வரிசையில் அதன் ஐந்தாம் பாகமாக வந்திருக்கிறது ‘எ குட் டே டு டை ஹார்ட்’. ஜான் மூர் இயக்கியுள்ள இந்தப் படத்தில், இதன் முந்தைய படங்களில் நடித்த புரூஸ் வில்ஸ் இதிலும் ஹீரோவாக நடித்துள்ளார். தனது மகன் ஜேக் ரஷ்ய சிறையில் அடைக்கப்பட்டிருக்கிறார் என்பதை அறிந்து மாஸ்கோ விரைகிறார் புரூஸ் வில்ஸ். அங்கு சென்றதும்தான் அணு ஆயுத கடத்தலில் சிலர் ஈடுபட்டிருப்பதையும் அது தொடர்பாக புலனாய்வு செய்யும் சிஐஏ அதிகாரிதான் ஜேக் என்பதும் தெரியவருகிறது. இருவருக்கு இலக்கு ஒன்றுதான் என்றாலும் பாதை வெவ்வேறாக இருக்கிறது. அடுத்து என்ன நடக்கிறது என்பது படம். வரும் 22,ம் தேதி தமிழ் மற்றும் ஆங்கிலத்தில் படம் வெளியாகிறது.