எம்.எஸ்.சுப்புலட்சுமியாக நடிக்கிறார் வித்யா பாலன்

சென்னை : மறைந்த கர்நாடக இசைப்பாடகி எம்.எஸ்.சுப்புலட்சுமியின் வாழ்க்கை சினிமாவாகிறது. அவர் வேடத்தில் வித்யா பாலன் நடிக்கிறார். கர்நாடக இசையுலகின் தனக்கென தனி இடத்தை பிடித்தவர் எம்.எஸ்.சுப்புலட்சுமி. மகசாசே விருது பெற்ற முதல் இந்தியர் என்ற பெருமையையும் கொண்ட அவரது வாழ்க்கை சினிமாவாகிறது. ஒளிப்பதிவாளர் ராஜீவ் மேனன் இயக்கும் இந்தப் படத்தில் எம்.எஸ்.சுப்புலட்சுமியாக வித்யாபாலன் நடிக்கிறார்.

மற்ற நடிகர், நடிகைகள் தேர்வு நடக்கிறது. இந்தப் படத்தின் ஷூட்டிங் ஜூன் அல்லது ஜூலையில் தொடங்கும் என்று தெரிகிறது. இதுபற்றி வித்யாபாலன் கூறும்போது, ‘’ஒப்பந்தத்தில் இருக்கிறேன். நான் எதுவும் கூற இயலாது. வாழ்க்கை வரலாற்று படம் ஒன்றில் நடிப்பது உண்மைதான்’’ என்று தெரிவித்துள்ளார். ஏற்கனவே சில்க் ஸ்மிதாவின் கதையான டர்ட்டி பிக்சர் படத்தில் வித்யாபாலன் நடித்திருந்தார் என்பது குறிப்பிடத்தக்கது.