காதல் பதிவு

சென்னை : ஷாஜஹான் கிரியேஷன்ஸ் சார்பில் ஷேக் ஹூசைன் தயாரிக்கும் படம், ‘காதல் பதிவு‘. புதுமுகங்கள் ஜோயல், ஸ்ரீநிலா, ஜேஷ்மா, ஸ்ரீலட்சுமி உட்பட பலர் நடிக்கின்றனர். பிரபு ராமானுஜம் இயக்குகிறார். ஒளிப்பதிவு, இளந்திருமாறன். இசை, குட்லக் ரவி. பாடல்கள்: பிரத்யுகன், சுதந்திரதாஸ், ம.க.செல்வம். படம் பற்றி இயக்குனர் கூறும்போது, ‘தன் சகோதரி மரணத்துக்கு தன் காதலன் காரணம் என ஹீரோயின் நினைக்கிறார். இதனால் மனமுடையும் காதலன், தற்கொலை செய்கிறார். பிறகுதான் ஹீரோயினுக்கு உண்மை தெரிகிறது. அடுத்து என்ன என்பது கதை. ஷூட்டிங் முடிந்து விட்டது. விரைவில் ரிலீசாகிறது’ என்றார்.