சொகுசு பெண்ணின் வாழ்க்கை கதை

சொகுசு பெண்ணின் வாழ்க்கை கதை ‘சோக்காலி என்ற பெயரில் உருவாகிறது. இது பற்றி பட இயக்குனர் ஏ.சரணா கூறும்போது,‘காதல் கதை, ஆக்ஷன் கதை என்று நிறைய வந்துவிட்டன. அதிலிருந்து மாறுபட்ட கதையாக இப்படம் உருவாகிறது. ஏகப்பட்ட தொழில் செய்து சுமார் 2 ஆயிரம் கோடி ரூபாய்க்கு மேல் சொத்து சேர்த்திருக்கும் ஒரு கோடீஸ்வரி, சொகுசு வாழ்க்கை நடத்துகிறார். டிவி ஒன்றில் பணிபுரியும் ஹீரோவை கண்காணித்து அவனை தன் வலையில் வீழ்த்துகிறார். இது ஏன் என்பதுதான் கதை. கோடீஸ்வரி வேடத்தில் சோனா நடிக்க ஹீரோவாக சைதன்யா நடிக்கிறார். ஜெய்ராம் மற்றொரு ஹீரோ. சுவாசிகா, ரீத்து ஹீரோயின். கஞ்சா கருப்பு, சிட்டிபாபு, முத்துக்காளை உள்ளிட்ட பலர் நடிக்கின்றனர். ஒளிப்பதிவு ஜெயமோகன். இசை எஸ்.ஏ.ராஜ்குமார். டி.நாவரசன், ஜி.தேவராஜன் தயாரிக்கின்றனர் என்றார்.