கந்துவட்டி கொடுமையை சொல்லும் சங்கராபுரம்

சென்னை : ஹரிகுமார், சான்யாதாரா நடிக்கும் படம், ‘சங்கராபுரம்’. நம்பிராஜன் இயக்குகிறார். படம் பற்றி ஹரிகுமார் கூறியதாவது: இதில் போலீஸ் அதிகாரியாக நடித்திருக்கிறேன். போலீஸ் நண்பர் ஒருவரிடம் முறையான பயிற்சிகள் பெற்று நடித்திருக்கிறேன். வழக்கமான போலீஸ் கதையில் இருந்து இது வித்தியாசமாக இருக்கும். ஒரு பெண் கெட்டவனான தன் கணவனை தண்டிக்க மகனை போலீஸ் அதிகாரியாக்கும் கதை. எனது தந்தையாக கலாபவன் மணி நடித்துள்ளார்.

கந்துவட்டி தொழிலின் மூலம் பல குடும்பங்களை அழிக்கும் வில்லன் கேரக்டர். கந்துவட்டிக்குள் அப்பாவி மக்கள் எப்படி விழுகிறார்கள். எப்படி வாழ்வை இழக்கிறார்கள் என்பதை சொல்லும் படம். 1960, 80, 2013 என்ற மூன்று காலகட்டங்களில் கதை நடக்கிறது. ஏப்ரலில் வெளியிட திட்டமிட்டுள்ளோம்.