‘மிஸ் தமிழச்சி’ அறிமுகம்

சென்னை : பீனிக்ஸ் பிக்சர்ஸ் சார்பில் அசோக்குமார், ப.ராமசுவாமி, பா.நந்தகுமார் தயாரிக்கும் படம், ‘உ’. தம்பி ராமய்யா உட்பட 25க்கும் மேற்பட்ட புதுமுகங்கள் நடிக்கின்றனர். ஒளிப்பதிவு, ஜெயப்பிரகாஷ். இசை, அபிஜித் ராமசுவாமி. பாடல்கள், முருகன் மந்திரம். இப்படத்தை எழுதி, இயக்கும் ஆஷிக் கூறியதாவது: கேரளாவிலுள்ள ஒரு பெண்ணை ஹீரோயினாக ஒப்பந்தம் செய்துவிட்டு, கொடைக்கானல் ஷூட்டிங்கிற்கு சென்றோம். என்ன காரணமோ தெரியவில்லை,

திடீரென்று அந்தப் பெண் வரவில்லை. உடனே பாண்டிச்சேரியில் ‘மிஸ் தமிழச்சி’யாக தேர்வு செய்யப்பட்ட நேகா என்பவரை ஹீரோயினாக தேர்வு செய்தேன். தமிழ் பேசத் தெரிந்ததால், சொன்னதைப் புரிந்துகொண்டு நடித்தார். இறுதிக்கட்ட ஷூட்டிங் நடந்து வருகிறது.