முன்னணி நடிகர்களை விரும்பும் நடிகை நந்திதா

அட்டகத்தி படத்தின் மூலம் தமிழுக்கு வந்தவர் நடிகை நந்திதா. முதல் படத்தின் வெற்றி இவருக்கு நளனும் நந்தினியும், எதிர்நீச்சல் ஆகிய படங்களை பிடித்துக்கொடுத்தது. அதையடுத்து இப்போது விஜய்சேதுபதி நடிக்கும் பண்ணையாரும் பத்மினியும் என்ற படவாய்ப்பையும் கைப்பற்றியுள்ளார். ஆனால் இந்த மூன்று படங்களிலுமே வளர்ந்து வரும் ஹீரோக்களுக்கு ஜோடியாகியிருக்கும் நந்திதாவுக்கு அடுத்த ரவுண்டில் முன்னணி நடிகர்களுடன் நடிக்க வேண்டும் என்ற ஆசை அளவுக்கதிகமாகி இருக்கிறது. அதன்காரணமாக, முன்னணி ஹீரோக்களை வைத்து படமெடுக்கும் சில டைரக்டர்களை தேடிச்சென்று சான்ஸ் கேட்கிறார் நடிகை. மேலும் இப்போது அட்டகாசமான கவர்ச்சி ஆல்பம் ஒன்றை ரெடி பண்ணி சில மேல்தட்டு இயக்குனர்களின் பார்வைக்கு விட்டு அதிர்ச்சி கொடுத்து வருகிறார் நந்திதா.