ஜப்பானில் எந்திரன்

முத்து ஜப்பானில் ஓடிய போது அது ஏதோ லக் கில் ஓடியது என்றுதான் பலரும் நினைத்தனர். ரஜினியின் எதிரிகளுக்கு இது ரொம்பவே வசதியாக இருந்தது. ப்ளூக்ல அடிச்ச ஜாக்பாட் என்று திருப்திப்பட்டுக் கொண்டனர்.

ஆனால் இந்தமுறை அப்படியெல்லாம் இருந்துவிட முடியாது.

சென்ற மாதம் எந்திரன் ஜப்பானில் வெளியானது. பஞ்சத்துக்கு இரண்டு மூன்று தியேட்டர்களில் வெளியீடுவார்களே... அப்படியெல்லாம் இல்லை. மொத்தம் 1300 தியேட்டர்கள். எல்லா தியேட்டர்களிலும் திருவிழாக் கூட்டம். சும்மா வந்து கைத்தட்டிவிட்டுப் போனால் பரவாயில்லை. ரஜினியின் போஸ்டருடன் போஸ் கொடுத்து அதகளம் செய்கிறார்கள்.


படத்தில் வரும் இரும்பிலே ஒரு இருதயம்தான் இப்போதைக்கு ஜப்பானின் தேசியகீதம். அவர்களுக்கு படம் பிடிக்குமோ பிடிக்காதோ என்ற எண்ணத்தில் பல காட்சிகளை எடிட் செய்து இரண்டு மணிநேர படமாக ஓட்டினார்களாம். படம் நன்றாக பிக்கப்பாக மொத்தப் படத்தையும் சிங்கிள் கட் இல்லாமல் ஓட்டுகிறார்களாம்.

ரஜினி கொசு பிடிக்கிற காட்சிக்காக மட்டும் உலக அளவில் ஓட வேண்டிய படம் எந்திரன். ஜப்பான் அளவிலாவது ஓடுகிறதே என்று திருப்திப்பட்டுக் கொள்வோம்.