பில்லா 2 அட்டகாச ‌ரிசர்வேஷன்

இவங்கயெல்லாம் எங்கப்பா ஒளிஞ்சிருப்பாங்க... படம் ‌ரிலீஸாகிறப்போ கரெக்டா வந்திடுறாங்க. அ‌‌ஜீத் படத்தின் ஓபனிங் அன்று தியேட்ட‌ரில் கூடிய கூட்டத்தைப் பார்த்து சினிமா பிரபலம் அடித்த கமெண்ட் இது. மங்காத்தா என்ற வெற்றிப் படத்துக்குப் பிறகு வருகிற படம். அதுவும் முதல் பாகம் சூப்பர்ஹிட். இது இரண்டாவது பாகம். ‌ரிசர்வேஷனுக்கு கேட்கவா வேண்டும். நெட்டித் தள்ளிவிட்டார்கள் அ‌‌ஜீத் ரசிகர்கள்.

எதிர்பார்த்தது போலவே நே‌ற்று பில்லா 2 ‌ரிசர்வேஷனுக்கு அடிதடி கூட்டம். சென்னையில் அனைத்துத் திரையரங்குகளிலும் ஒரு வாரத்திற்கு ஹவுஸ்ஃபுல். அப்படியே இரண்டாவது மூன்றாவது வாரத்துக்கு டிக்கெட் தந்திருந்தால் அதுவும் ஆவியாகியிருக்கும். அந்தளவுக்கு ஒவ்வொரு திரையரங்கிலும் கூட்டம் அம்மியது.

பிளாக் டிக்கெட் விற்கும் தியேட்டர் ஊழியர்களுக்கு ஜாக்பாட். ‌ரிசர்வேஷன் டிக்கெட்டை கூசாமல் ஐநூறு ரூபாய்க்கு விற்றார்கள். படம் வெளியாகும் நாள் சாதாரணமாக ஆயிரம் ரூபாய்க்கு விற்கப்படும். படம் ரொம்ப நன்றாக இருக்க வேண்டும் என்றில்லை. கொஞ்சம் சுமாராக இருந்தாலும் பத்தே நாளில் பட்ஜெட் திரும்பிவிடும்.

அ‌ஜீத்துக்கு இது இன்னொரு ஹிட்டாக அமைய வாய்ப்புள்ளது.