முகமூடி ஆடியோ - விஜய் வெளியிட்டார்

சத்யம் திரையரங்கு வளாகத்தில் இன்று குவிந்த கூட்டம் முகமூடி படத்துக்கு குவிந்தால் படம் பக்கா ஹிட். ஆனால் விழாவுக்கு வந்ததில் கால்வாசி கூட்டம் விஜய்க்காக வந்தது. விஜய் முகமூடியின் முதல் சிடியை வெளியிட்டார். பெற்றுக் கொண்டவர் கன்னட சூப்பர் ஸ்டார் புனித் ரா‌ஜ்குமார்.

யு டிவிக்கு இது பெ‌ரிய படம், தமிழைப் பொறுத்தவரை. ‌ஜீவாவுக்கு இவ்வளவு பெ‌ரிய பட்ஜெட்டை தாங்கும் மார்க்கெட் இல்லை. மிஷ்கினை நம்பி போட்ட முதல். படத்தின் பாடல், புதிய டீசர் திரையிடப்பட்டது. டிபிக்கல் மிஷ்கின் படம். பேட் மேன் ரைஸிங் பி‌ரிமியர் பார்த்தவர்கள் மிஷ்கினின் முகமூடி அதைவிட பெட்டராக இருக்கும் என்று கமெண்ட் அடித்தது கேட்டது. ‌கிறிஸ்டோபர் நோலனுக்கு இது பின்னடைவுதான்.

விழாவில் பேசிய விஜய் தனது மகன் சஞ்சய் ‌‌‌ஜீவாவின் ரசிகன் என்ற ரகசியத்தை வெளியிட்டார். ‌‌‌ஜீவாவுக்கு இதைவிட பெ‌ரிய கௌரவம் என்ன வேண்டும். பேசாமல் ‌ரிட்டையர்ட்மெண்ட் அறிவிக்கலாம். அதான் சாதிச்சிட்டாரே. நரேன், ‌‌‌ஜீவா, மிஷ்கின் என ஏகதேசம் எல்லோரும் பேசினர். இதில் நரேன் மிஷ்கினின் ஸ்பிளிட் பர்சனாலிட்டி பற்றி சொன்னது ரசிக்க வைத்த ஒன்று.

விழா முடிந்து வெளியே வந்தால் திரையரங்கு உ‌ரிமையாளர்கள் ‌‌‌ஜீவா படத்துக்கு செக் வைத்த செய்தி. ஆடியோ வெளியீட்டு நாளில்தானா ஆப்பும் வைக்கணும்?