தனுஷ் படப்பிடிப்பில் பாலு மகேந்திரா

இந்த வருடம் தனுஷ் தயாரிப்பாளர் என்ற புதிய அவதாரம் எடுத்துள்ளார். இவர் தயாரிக்கும் முதல் படத்தில் சிவ கார்த்திகேயன் ஹீரோ. எதிர்நீச்சல் என்று தற்போதைக்கு பெயர் வைத்துள்ளார்கள்.

வெற்றிமாறனின் அசிஸ்டெண்ட் செந்தில் எதிர்நீச்சலை இயக்குகிறார். படத்திக் கதை தனுஷுடையது என்கிறார்கள். அந்தவகையில் அவரின் இன்னொரு அவதாரம் கதாசிரியர்.

இந்தப் படத்தின் முதல்நாள் படப்பிடிப்பை கிளாப் அடித்துத் தொடங்கி வைத்தவர் பாலு மகேந்திரா. முதல்நாள் படப்பிடிப்பில் வெற்றிமாறனும் கலந்து கொண்டார். சிஷ்யனின் முதல் படம் என்பதுடன் அவரின் பேவரைட் ஹீரோவின் முதல் படமும்கூட.

எதிர்நீச்சல் பாலசந்தர் இயக்கிய படம். அவரிடம் இன்னும் முறைப்படி டைட்டிலுக்கு அனுமதி வாங்கவில்லையாம்.